आईसीटी समाचार
सूचना प्रविधि कम्पनी योङ माइन्ड्स र ब्रोडवे इन्फोसिसबीच सम्झौता भएको छ । योङ माइन्ड्सको सामाजिक कार्यक्रम लारामाइन्ड्सको प्लेसमेन्ट पार्टनर तथा इन्डस्ट्री/ट्रेनिङ पार्टनरको रूपमा ब्रोडवे इन्फोसिससँग सहकार्य भएको हो ।
उक्त सम्झौता पत्रमा योङ माइन्ड्स क्रियसनका प्रबन्ध निर्देशक डा श्रीधर मार्सिनी सञ्चार अधिकृत रसु खड्का र ब्रोडवे इन्फोसिसका व्यापार विकास निर्देशक उत्तम अधिकारिले हस्ताक्षर गरेका हुन् ।
यो सहकार्यसँगै लारामाइन्ड्सका सहभागीहरूले प्लेसमेन्टको अवसर पाउनेछन् । यसले गर्दा तालिम लिएपछि विद्यार्थीहरूले प्लेसमेन्टको चिन्ता लिनु नपर्ने बताइएको छ । यति मात्रै नभएर ब्रोडवे इन्फोसिसले विभिन्न स्रोत तथा प्रशिक्षक उपलब्ध गराएर लाराभेलको बारेमा थप जानकारी पनि प्रदान गर्नेछन् ।
योङ माइन्ड्सले लारामाइन्ड्स कार्यक्रमको समयमा आवश्यक पर्ने स्रोत, प्रशिक्षक र परियोजना निर्देशिका प्रदान गर्नेछ । तालिमपछि विद्यार्थीलाई प्लेसमेन्टको अवसर सिर्जना हुने र त्यसले करियरमा सहयोग पु¥याउने दुवै कम्पनीको भनाइ छ ।
