आईसीटी समाचार
रोल्पा शहरी खानेपानी संस्थाको मासिक बिल भुक्तानी अब अनलाइनबाटै गर्न सकिने भएको छ । रोल्पा खानेपानी उपभोक्ता तथा सरसफाइ समितिको बिल डिजिटल वालेट इसेवाबाटै तिर्न सकिने भएको हो ।
इसेवाबाटै मासिक बिल तिर्न संस्थामा आवद्ध उपभोक्ताले उपभोक्ता नम्बरका लागि पहिलोपटक कार्यालयमा सम्पर्क गर्नुपर्नेछ ।
रोल्पा शहरी खानेपानी संस्थाबाट उपभोक्ता नम्बर पाइसकेपछि बिल तिर्न सुरूमा इसेवा खोल्नुहोस् । त्यसपछि खानेपानीमा क्लिक गर्नुहोस् र त्यहाँ कम्युनिटी खानेपानी भन्ने देखिन्छ त्यसमा क्लिक गर्नुहोस् ।
यति गरेपछि खानेपानी काउन्टर भन्ने देख्नुहुनेछ त्यसमा रोल्पा शहरी खानेपानी खोजेर छनोट गर्नुहोस् । छनोट गरेपछि उपभोक्ता नम्बर अर्थात कस्टुमर आईडी राख्नुहोस् र प्रोसिडमा क्लिक गर्नुहोस् ।
त्यसपछि तिर्नुपर्ने रकम र कुन महिनाको तिर्नुपर्ने हो, त्यो देखाउँछ । उक्त रकम र महिना छनोट गरेर प्रोसिडमा थिच्नुहोस् अनि कन्फर्ममा क्लिक गरेर बिल तिर्न सकिने छ ।
