आईसीटी समाचार
अफिभर्स टेक सर्भिसेजले टेक्किज मिटअप २०२२ आयोजना गर्ने भएको छ । सूचना प्रविधिको क्षेत्रमा रूची भएकाहरू टेक्किज मिटअपमा सहभागी हुन सक्ने छन् ।
मिटअप आउँदो शनिबार चाबहिलको कलेज अफ अप्लाईड बिजनेशमा दिउँसो १ बजेदेखि ५ बजेसम्म सञ्चालन हुनेछ ।
नेपालमा रहेको प्रविधिको ट्रेन्डबारे प्रविधिमा लागेको मान्छेहरुलाई जानकारी दिन मिटअप आयोजना गर्न लागेको अफिभर्स टेक सर्भिसेस प्रालिका सह-संस्थापक तथा सीईओ निर्माण खड्काले बताए ।
कार्यक्रमले प्रविधि क्षेत्रमा काम गरिरहेको व्यक्तिहरुलाई एकअर्कासँग जोडिन दिने र आफूलाई थाहा भएको जानकारी एकअर्कासँग साट्न दिने उनको विश्वास छ ।
मिटअपको अवसरमा अफिभर्स टेक सर्भिसेज प्रालिको औपचारिक सार्वजनिक पनि हुने जनाइएको छ । कार्यक्रममा प्रमुख अतिथीको रुपमा खल्तीका सहसंस्थापक उपस्थिति रहनेछ । मिटअपमा नेपालको आईटी उद्योगः विगत, भविष्य र अवसर विषयकमा प्यानल डिस्कसन सेनस हुनेछ ।
प्यानेलिस्टमा साइबर सुरक्षा अनुसन्धान केन्द्रका उपाध्यक्ष मिलन राज नेपाली, डाटा वैज्ञानिक तथा एन्जल लगानीकर्ता प्रज्ञान सुवेदी, तेराकोया एकेडेमियामा सफ्टवेयर इन्जिनियरिङका निर्देशक प्रभात आचार्य, काठमाडौं लिभिङ ल्याबकी टेक र इनोभेसन लीड इच्छा मोक्तान र रेडचिल्लीज ल्याब्स इन्कका सहसंस्थापक तथा सिईओ विवेक कोइराला रहेका छन् ।
यदी तपाई पनि सूचना प्रविधिमा चासो राख्नुहुन्छ भने शनिबार हुने टेक्किज मिटअपमा सहभागी हुन यहाँ क्लिक गरेर आफ्नो नाम दर्ता गर्नुहोस् ।
.jpg)
