आईसीटी समाचार
वातावरणीय जागरूकता, अनुसन्धान र उद्यमशीलता साक्षरतामा काम गरिरहेको गैरनाफामूलक संस्था टेक एजुकेसन नेपाल ‘सिटिजन आन्टरप्रेनरसीप कम्पिटिसन २०२२’ मा उत्कृष्ट १० आईडिया भित्र पर्न सफल भएको छ ।
विश्वभरका १५० भन्दा बढी प्रतिस्पर्धीहरूलाई पछि पार्दै टेक एजुकेसन नेपाल उक्त प्रतियोगिताको युवा विधा अन्तर्गत उत्कृष्ट १० आईडियामा पर्न सफल भएको हो ।
भोटिङ, इम्प्याक्ट र निर्णायकको निर्णयका आधारमा टेक एजुकेसन नेपाल उत्कृष्ट १० भित्र परेको टेक एजुकेसन नेपालका सह-संस्थापक प्रशान्त न्यौपानेले बताए ।
संस्थाले आफुले गरेको कामहरू जानकारी गराएपछि १२ सयभन्दा बढी भोट पाएको थियो । प्रतियोगितमा ५ हजार बढी सहभागी भएका थिए ।
स्टिफ्टङ आन्टरप्रेनरसीप, गोई पिस फाउन्डेसन र डिजिटल एक्सपर्ट्स युनाइटेडको सहकार्यमा आयोजना भएको कार्यक्रममा २ महिनापछि उत्कृष्ट ३ घोषणा गरिने छ । उत्कृष्ट ३ मा पर्नेले फन्डिङ, मेन्टरसीप, कम्युनिटी लगायतको सुविधा पाउने छन् ।
