इन्टरनेट सेवाप्रदायक कम्पनी वर्ल्डलिङ्क कम्युनिकेसन्ससँगको सहकार्यमा पुल्चोक क्याम्पस ईन्जिनियरिङ अध्ययन संस्थानको इलेक्ट्रिकल, इलेक्ट्रोनिक्स, र कम्प्युटर इन्जिनियरिङ विभागका छाता संगठन लोकसले देशभरका ५० विद्यालयमा इन्टरनेट सचेतना कार्यक्रम सञ्चालन गरेको छ ।
कात्तिक २० देखि २६ गतेसम्म सञ्चालन भएको सचेतना कार्यक्रममा कक्षा ८ देखि १० मा अध्ययनरत १२ देखि १७ वर्ष उमेर समूहका विद्यार्थी लक्षित गरिएको थियो ।
लोकसले उक्त कार्यक्रममा विद्यार्थीहरुलाई इन्टरनेटको उपयोग, अनलाइन यौन दुर्व्यवहारबाट सुरक्षा, साइबरबुलिङ, फिसिङ, इन्टरनेट लत आदिका बारेमा सचेत गराएको थियो ।
यसका साथसाथै लोकसले डडेल्धुरा, सुर्खेत, कास्की, मनाङ, चितवन, बारा र खांदबारीका ७ का विद्यालयमा बच्चलाई प्रविधिको बारेमा जानकारी पनि दिएको थियो ।
लोकसका अनुसार ५० जना विद्दार्थीहरुलाई ७ विभिन्न टोलीहरूमा विभाजन गरि माथि उल्लेखित जिल्लाहरुमा पठाइएको थियो।
प्राविधिक ज्ञान बढाउन र नयाँ पुस्तालाई सशक्तिकरण गर्ने उद्देश्यले उक्त कार्यक्रम गरिएको लोकसको भनाइ छ ।
सन् २००३ देखि निरन्तर प्राविधिक प्रदर्शनी मेला लगायत अन्य विभिन्न आयोजना गर्दै आएको लोकस अहिले १९ औं संस्करणको तयारीमा छ ।
लोकस चौथो वर्षमा अध्ययनरत इलेक्ट्रिकल, इलेक्ट्रोनिक्स र कम्प्युटर इन्जिनियरिङ संकायका विद्यार्थीहरू मिलेर बनेको गैर-लाभकारी संस्था हो ।
स्वदेश र विदेशमा रहेका इन्जिनियरिङ विद्दार्थीहरुको उत्साहजनक सहभागितासाथ सम्पन्न हुदै आइरहेको लोकसले यस वर्ष प्रदर्शनीमा २ र विद्यालय तहका विद्यार्थीहरुलाई समेत समावेश गर्ने जमर्को गरेको छ ।
यसमा ३५ हजार बढी विद्यार्थी, शिक्षक, उद्यमी, व्यवसायी र कलाकार लगायत सहभागि हुने अपेक्षा गरिएको छ । आगामी माघमा हुने लोकस मेलामा विभिन्न वर्कशप, प्रदर्शनी र प्रतियोगिता हुनेछन् ।