आईसीटी समाचार
एस इन्स्टिच्युट अफ म्यानेजमेन्टले नेपालका प्रतिभाशाली युवाहरूको प्रतिभा प्रस्फुटन गर्ने उद्धेश्यले आयोजना गरेको ४८ घन्टे ह्याकथन ‘एस् इग्नाइट’ सम्पन्न गरेको छ ।
कलेजकै प्राङ्गणमा सम्पन्न भएको यस ह्याकथन यस प्रक्रारको अहिले सम्मकै पहिलो कार्यक्रम भएको आयोजकको दावी छ ।
ह्याकथनमा उपत्यका भित्र र बाहिर गरी १०० भन्दा बढी सहभागीहरू भएका यस ह्याकथनलाई जिट हब, डेभफोलियो, टास्केड, माइक्रोसफ्ट स्टुडेन्ट लर्न एम्बस्डर, पोलिगन, वर्ल्डलिन्क, माक्कुसे जस्ता राष्ट्रिय र अन्तरराष्ट्रिय संस्थाहरुको सहयोग गरेका थिए ।
इभेन्ट लिड प्रज्वल श्रेष्ठले विभिन्न क्षेत्रका युवा प्रतिभाहरुको क्षमता समस्या समाधान गर्न उनीहरुले गरेको सिर्जनात्मक सहकार्यले पक्कै पनि सकारात्मक परिवर्तन ल्याउने बताए ।
त्यस्तै कार्यक्रममा प्रमुख अतिथिको रुपमा आएका साओमीका कन्ट्री जेनेरल म्यानेजर अमित कुमार पंडाले युवाहरूका लागि युवाहरूले नै आयोजना गरेको ह्याकाथनमा सहभागि हुन पाउँदा खुशी बताए ।
एस् इग्नाइट ह्याकाथनमा टिम यारस प्रथम भएको छ । टिममा युनिका बज्राचार्य, अनुज छेत्री, अश्मित रजौरे, रुजल आचार्य र सुबन श्रेष्ठ रहेका छन् ।
त्यस्तै दोस्रो स्थानमा टिम पीएनपी रहेको छ, जसमा वंशज पौडेल, नदिका पौडेल, क्रिश्बिन पौडेल र महिमा ढकाल रहेका छन् ।
त्यस्तै तेस्रो स्थानमा टिम टेली टबिज पर्न सफल भएको छ । यसमा सुगम पौड्याल, रोशिश श्रेष्ठ, सिमोन प्रधानाङ्ग, समिर श्रेष्ठ र आयुश राज पाण्डे छन् ।
