आईसीटी समाचार
लोकप्रिय स्मार्टफोन ब्राण्ड रियलमीले पूर्व मिस नेपाल निती शाहलाई आफ्नो ब्रान्ड एम्बासडरको रुपमा नियुक्त गरेको छ । यो सँगै शाहले अब रियलमी, नार्जो र एआइओटि एवम वेरेबलस् लगायत अन्य इकोसिस्टम प्रोडक्टहरु पनि एन्डोर्स गर्नेछिन् ।
उनी मिस इन्टरनेसनल नेपाल २०१७ को विजेता हुन् । उनले २०१७ मा जापानमा भएको मिस इन्टरनेसनल नेपालमा नेपालको प्रतिनिधित्व गरेकी थिइन् ।
रियलमी नेपालका कन्ट्री हेड मुनिश गिरीले ब्रान्ड एम्बासडरको रुपमा निती शाहसँग काम गर्न पाउँदा हामी अत्यन्तै उत्साहित भएको बताए ।
त्यस्तै नवनियुक्त ब्रान्ड एम्बासडर निती शाहले रियलमी ब्रान्डको सदस्य हुन पाउँदा म एकदमै उत्साहित भएको र यो सहकार्यले पक्कै पनि दुवैलाई एउटा नयाँ उचाइमा पुर्याउने विश्वास व्यक्त गरिन् ।
