आईसीटी समाचार
डिजिटल एजुकेसन (प्राइभेट सेक्टर) आइसिटी अवार्ड २०२२ ज्ञानोदय बाल बाटिका स्कुलले पाएको छ ।
शुक्रबार द सोल्टी काठमाडौंमा आयोजना भएको इन्फोडेभलपर्स आइसिटी अवार्डको ग्राण्ड फिनाले कार्यक्रममा खोकनाको ज्ञानोदय बाल बाटिका स्कुललाई उक्त अवार्ड प्रदान गरिएको हो ।
सूचना प्रविधिको प्रयोग मार्फत शिक्षण सिकाई र अध्यापन राम्रो बनाएका निजी क्षेत्रका स्कुललाई यो अवार्ड प्रदान गरिन्छ ।
नेपालमा गुणस्तरीय शिक्षा प्रदान गर्ने उद्देश्यले सन् १९९५ ज्ञानोदय बाल बाटिका स्कुल स्थापना भएको थियो ।
विद्यालयले अनलाइन कक्षा र परीक्षाका लागि विद्यालय व्यवस्थापन सफ्टवेयर वेद प्रयोग गर्दै आएको छ ।
विद्यालयले प्रविधिमार्फत गुणस्तरीय सिकाइ प्रदान गर्न कम्प्युटर, स्मार्ट टिभी, पेनट्याब, स्मार्ट बोर्ड, गूगल क्लासरूम, ह्वाइट बोर्ड, एडोब, गोप्रो, डिजिटल क्यामेरा, ड्रोन, रोबोट लगायतका टुलहरू प्रयोग गरिरहेको छ । साथै सिकाइका लागि थ्रीडी एआर, भीआर हेडसेट समेत प्रयोग हुँदै आएको छ ।
१ देखि १२ कक्षासम्मका विद्यार्थीले क्याडफोरडी नामक कोर्षको पहुँच पाउँछन्, जसले सिनेम्याटोग्राफी, एआई, डिजिटल आर्ट र क्रियसन, टुडी थ्रीडी एनिमेसन र मोडलिङ सिकाउने गर्दछ ।
