आईसीटी समाचार
डिजिटल एजुकेसन (पब्लिक सेक्टर) आइसिटी अवार्ड २०२२ ज्ञानोदय माध्यमिक विद्यालयले पाएको छ । शुक्रबार द सोल्टी काठमाडौंमा आयोजना भएको इन्फोडेभलपर्स आइसिटी अवार्डको ग्राण्ड फिनाले कार्यक्रममा बाफलको ज्ञानोदय माध्यमिक विद्यालयलाई उक्त अवार्ड प्रदान गरिएको हो ।
सूचना प्रविधिको प्रयोग मार्फत शिक्षण सिकाई र अध्यापन राम्रो बनाएका सरकारी तथा सार्वजनिक क्षेत्रका स्कुललाई यो अवार्ड प्रदान गरिन्छ ।
ज्ञानोदय माध्यमिक विद्यालय वि.सं. १९६३ सालमा स्थापना भएको ज्ञानोदय माध्यमिक विद्यालय समुदायमा आधारित शैक्षिक संस्था हो। पुरानो कालिमाटी बाफलमा अवस्थित यस विद्यालयमा फिजिक्स, क्यामेस्ट्री, बायोलोजी र उन्न्त आइसिटी कम्प्युटर ल्याब निर्माण गरिएको छ ।
सिकाइलाई प्रविधिमैत्री बनाउन स्मार्ट टिभी, इन्टर्याक्टिभ बोर्ड, डेक्स्टप, ल्यापटप, ट्याबलेट, प्रोजेक्टर, मोबाइल एप, वेबसाइट लगायतका प्रविधिहरू प्रयोग गरिएको छ ।
कोरोना अघिसम्म चक, डस्टरबाट पढाइ हुँदै आएकोमा महामारीपछि डिजिटल क्लासेस, लेक्चर लगायतका प्रविधिको प्रयोग हुँदै आएको छ । कक्षा ४ देखि यस विद्यालय कम्प्युटर अनिवार्य रूपमा पढ्नु पर्ने व्यवस्था गरिएको छ ।
