नेपालमा पीएसपी समिट हुँदै, किनोट स्पीकरको रूपमा भारत पेका संस्थापक अशनीर ग्रोभर आउने

नेपालमै पहिलो पटक भुक्तानी सेवा प्रदायक (पीएसपी) समिट आयोजना हुने भएको छ । पुस २६ गते मंगलबार स्विभ्ड टेक्नोलोजीले पीएसपी सम्मेलन आयोजना गर्न लागेको हो ।

सम्मेलनमा भुक्तानी सेवा प्रदायक उद्योगको पछिल्लो प्रवृति र विकासका बारेमा छलफल हुनेछ । कार्यक्रममा प्रमुख किनोट वक्ता र प्यानलिष्टको रूपमा भारत पेका संस्थापक अशनीर ग्रोभरको उपस्थिति रहने छ ।

स्विभ्ट टेक्नोलोजीका प्रबन्ध निर्देशक समिता राना मगरले पीएसपी समिट आयोजना गर्न पाउँदा हर्षित भएको बताइन् ।

‘भुक्तानी सेवा प्रदायक उद्योग निरन्तर विकसित हुँदै गइरहेको छ,’ उनले भनिन्, ‘यो कार्यक्रमले पेशेवरहरूलाई अन्तदृष्टि र अनुभवहरू साझा गर्न प्लेटफार्म प्रदान गर्नेछ ।

पीएसपी सम्मेलन हायात प्लेस कालिमाटी काठमाडौंमा हुनछ । कार्यक्रममा सहभागी हुन् यहाँ क्लिक गर्नुहोस् ।

यो भुक्तानी सेवा प्रदायक उद्योगका लागि क्षेत्रका नेतृत्वकर्तासँग जोडिने र नवीनतम भुक्तानी प्रवृत्ति र विकासमा अद्यावधिक रहन बहुमूल्य अवसर भएको कम्पनीको भनाइ छ ।