सवारी साधनको कागजपत्रको प्रतिलिपी सिफारिस अब अनलाइनबाटै प्राप्त गर्न सकिने

काठमाडौँ उपत्यका ट्राफिक प्रहरी कार्यालयले दिँदै आएको सवारी साधनको कागजपत्रको प्रतिलिपी सिफारिस  अनलाइन मार्फत प्रदान गरीने भएको छ ।

सवारी चालक अनुमति पत्र, सवारी दर्ता किताब र सवारी ईजाजत पत्र हराएमा, सेवाग्राहीले ट्राफिक प्रहरीको आधिकारीक वेभसाइट https://ldims.nepalpolice.gov.np/ मार्फत सम्बन्धित व्यक्तिको परिचयपत्रको प्रतिलिपी सहित अनलाइन फर्म भर्नु पर्नेछ ।

अनलाइन फर्म भरेको ७२ घण्टा पश्चात अनलाईन मार्फत नै हराएको कागजपत्रको सिफारीस उपलब्ध गराइनेछ ।

प्रविधिको उच्चतम प्रयोग गरी सेवाग्राहीलाई सहज सेवा, समयको बचत र स्मार्ट ट्राफिक सेवा प्रदान गर्ने उद्धेश्यले यो सुविधा लागु गरिएको हो ।