आईसीटी समाचार
विश्वकै सबैभन्दा ठूलो हाइड्रोजन विद्युतीय हवाईजहाजले १० मिनेटको सफल उडान पुरा गरेको छ । दिगो हवाइयात्राका लागि हाइड्रोजन विद्युतीय हवाईजहाज एकदमै उचित हुने हुँदा जिरोएभियाले विश्वकै सबैभ्नाद ठूलो डोरनियर २२८ नाम गरेको हाइड्रोजन विद्युतीय हवाईजहाजलाई सफल रुपमा हवाइयात्रा पूरा गर्न सफल भएको छ ।
१९ सिट भएको सो प्लेनले बेलायतको कट्सवल्र्ड एयरपोर्टबाट १० मिनेटको फ्लाईट पूरा गरेको हो । यो प्लेन हाइफ्लायर २ प्रोजेक्ट अन्तर्गत निर्माण गरिएको हो । यसले गर्दा सानो यात्रुवाहक प्लेनलाई पनि वातावरणमैत्री बनाउने सक्ने कम्पनीको आशा रहेको छ ।
प्लेनमा प्रयोग गरिएको हाइड्रोजन अनसाइट एलेक्ट्रोलाइजर मार्फत उत्पादन गरिएको हो । परिक्षण फ्लायट सञ्चालन गर्दा प्लेनमा दुई ओटा फ्युल सेल र लिथियम आयन ब्याट्री प्याक प्रयोग गरिएको थियो । यस प्लेनले सन् २०२५ देखि व्यवसायिक फ्लाईटहरु सञ्चालनमा ल्याउने भएको छ ।
