नेपालमा पनि सुरू भयो सामसङ ग्यालेक्सी एस २३ सिरिजको प्रि अर्डर

नेपालमा सामसङ ग्यालेक्सी एस २३ सिरिजको प्रि अर्डर खुला भएको छ । नेपालमा पनि ग्यालेक्सी एस २३ अल्ट्रा,  ग्यालेक्सी एस २३ प्लस र ग्यालेक्सी एस २३ को बुकिङ खुला भएको हो ।

गएको फेब्रुअरी १ मा सामसङले ग्यालेक्सी एस २३ सिरिज  सार्वजनिक गरेको थियो। फोनमा स्न्यापड्रागन ८ जेन २ प्रोसेसर प्रयोग गरिएको छ । यसले मोबाइल गेमिङ अनुभव र शक्तिशाली रूपमा दिर्घकालिन गेम प्ले उपलब्ध गराउने कम्पनीको दावी छ ।

सामसङ नेपालका निर्देशक प्रणय रत्न स्थापितले फोन प्रिअर्डर गर्दा आकर्षक अफर पाउने बताए । आफुलाई मन पर्ने ग्यालेक्सी एस २३ सिरिज फोन यहाँ क्लिक गरेर प्रि अर्डर गर्न सकिने छ ।

अथवा तपाईंको नजिकको सामसङ फोन स्टोरहरूमा जान सक्नु हुनेछ। प्रिअर्डर अफरहरू फेब्रुअरी २२ सम्म वा स्टक रहँदासम्म मात्र मान्य हुनेछन्।

त्यस्तै फोनमा ईएमआईको समेत सुविधा रहेको छ । ए स२३ सिरिज रु.६,४०० बाट सुरु हुने मासिक शुन्य प्रतिशत ब्याज दरमा ईएमआई (EMI) मा पनि उपलब्ध छ। सामसङले १ वर्षको लागि १ पटक ब्रेकेज बीमा पनि उपलब्ध गराउँने छ ।