आईसीटी समाचार
भिरिन्ची कलेजले आयोजना गरेको रोबो र्याम्प रेस २.० सम्पन्न भएको छ । आइसिटी मेला ३.० को मुख्य कार्यक्रमको रूपमा रहेको रोबो र्याम्प रेस सम्पन्न भएको हो ।
रोबो र्याम्प रेसमा २० बढी स्कुलका टिमहरू सहभागी भएका थिए । उनीहरूको यस प्रतियोगिताका लागि आफै डीआईवाई रिमोट कन्ट्रोलर र रोबोटिक कार तयार पारेका थिए ।
आईतबार भएको रोबो र्याम्प रेस २ फाइनल खेलमा एमिनिटी स्कुलको टिम पहिलो भएको छ । त्यस्तै काठमाडौं प्राज्ञ कुञ्ज स्कुलको टिम दोस्रो र युनाइटेड एकेडेमीको टिम तेस्रो भएको छ ।
रोबो र्याम्प रेस १०० फिटभन्दा बढी ट्रयाकमा जिपलाइन र सर्भिलेसन्स टनेलसहित विभिन्न कठिनाइका साथ सञ्चालन गरिएको भिरिन्ची कलेजका सीईओ आकाश सिम्खडाले जानकारी दिए ।
