आईसीटी समाचार
सार्वजनिक भएको २४ घण्टामै डिजिटल वालेट हाम्रो पेका १० हजार बढी प्रयोगकर्ता पुगेका छन् । हाम्रो पे शुक्रबार सार्वजनिक भएको थियो ।
नेपालको सर्वाधिक लोकप्रिय मोबाइल एप हाम्रो पात्रोले हाम्रो पे सुविधा थप गरेपछि डिजिटल भुक्तानीका लागि छुट्टै एप डाउनलोड गर्नुपर्ने छैन् । हाम्रो पात्रोबाटै हाम्रो पेको सेवा प्रयोग गरी डिजिटल कारोबार गर्न सकिने छ ।
२४ घण्टामै १० हजार बढीले हाम्रो पेमा अकाउन्ट बनाएपनि केवाईसी भेरिफिकेसनमा भने ब्याकलगको समस्या देखिएको छ ।
केवाईसी भेरिफिकेसनमा देखिएको समस्यालाई समाधान गर्न टिम लागिरहेको हाम्रो पात्रोका संस्थापक तथा सीईओ शंकर उप्रेतिले जानकारी दिए ।
साथै हाम्रो पेको च्याटमा १ हजार बढीले च्याट गरेका छन् । ग्राहकहरूलाई २४ सैं घण्टा सपोर्ट दिन हाम्रो पेले आफ्नै च्याटबट तयार पारेको छ ।
हाम्रो पेमा स्प्लिट एक्सपेन्स, पर्सनल एक्सपेन्स ट्रयाकर, लाईभ च्याट कस्टुमर सपोर्ट लगायतका सुविधा छन् । यी बाहेक अन्य डिजिटल वालेटमा भएका टपअप, पैसा ट्रान्सफर, बिल भुक्तानी लगायतका सुविधा छन् ।
हाम्रो पे ६ वटा भाषा नेपाली, अंग्रेजी, मैथेली, डोटेली, नेपाल भाषा, थारू भाषामा प्रयोग गर्न सकिने छ । आगामी दिनमा एपबाटै खरिद गर्न मिल्ने, मर्चेन्ट र प्रयोगकर्ताबीच सिधैं कुराकानी गर्न सकिने, सिधैं रेमिट पठाउन मिल्ने, अफलाइन पेमेन्ट र कर्पोरेटका लागि बल्क पेमेन्टको सुविधा आउने कम्पनीले जनाएको छ ।
यो पनि पढ्नुहोस्ः सुपर एपको बाटोमा हाम्रो पात्रो, अब डिजिटल भुक्तानी पनि गर्न सकिने
