आईसीटी समाचार
वर्ल्ड वाइड वेबका आविष्कारक टिम बर्नर्स लीले क्रिप्टोकरेन्सीको तुलना जुवासँग गरेका छन् । सीएनबीसीको बियोन्ड दी भ्याली पोडकास्टमा बोल्दै उनले क्रिप्टोकरेन्सी खतरा र जुवा जस्तै भएको बताएका हुन् ।
भविष्यको वेबको बारेमा छलफल गर्दै बर्नर्सले डिजिटल मुद्राहरू केवल स्पेकुलेटिभ भएको बताए ।
‘डिजिटल मुद्रा केवल स्पेकुलेटिभ हो । यसको पछाडि कुनै सोलिड बिजनेस छैन्,’ उनले भनेका छन्, ‘यसमा रिस्क एकदमै बढी छ । त्यसकारण डिजिटल मुद्रा साच्चै नै खतरानाक छ ।’
यद्यपी लीले डिजिटल मुद्राहरू रेमिट्यान्सको लागि उपयोगी हुन सक्ने र त्यसका लागि डिजिटल मुद्रा प्राप्त भएपछि तुरून्तै फियाट मनीमा रूपान्तरण गर्नुपर्ने बताए ।
