आईसीटी समाचार
सरकारले राष्ट्रिय सूचना प्रविधि केन्द्रलाई सरकारका सबै तथ्यांक सरकारी डाटा सेन्टरमा राखी व्यवस्थापन गर्न र २४ सैं घण्टा प्राविधिकबाट निगरानी गर्ने व्यवस्था मिलाउन निर्देशन दिएको छ ।
फागुन १५ गते बसेको मन्त्रिपरिषद बैठकले सबै निकायका तथ्यांक एवं सूचना प्रविधि प्रणाली सरकारी एकीकृत डाटा केन्द्रमा राखी व्यवस्थापन गर्न र सरकारी डेटा सेन्टरको सेन्टरलाई पूर्ण क्षमतामा सञ्चालन गरी चौंबिसै घण्टा नेटवर्किङ र साइबर सुरक्षासम्बन्धि प्राविधिकले निगरानी गर्ने व्यवस्था मिलाउन निर्देशन दिएको हो ।
‘सबै निकायका तथ्यांक एवं सूचना प्रविधि प्रणाली सरकारी एकीकृत डाटा केन्द्रमा राखि व्यवस्थापन गर्ने र राष्ट्रिय सूचना प्रविधि केन्द्रले काठमाडौंमा रहेको सरकारी एकीकृत डेटा केन्द्र र हेटौंडामा रहेको डिजाष्टर रिकभरी केन्द्रलाई पूर्ण क्षमतामा सञ्चालन गरी चौंबिसै घण्टा नेटवर्किङ र साइबर सुरक्षासम्बन्धी प्राविधिकले निगरानी गर्ने व्यवस्था मिलाउने,’ मन्त्रिपरिषदको निर्णयमा भनिएको छ ।
