आईसीटी समाचार
वुमन इन इन्फोरमेसन टेक्नोलोजी (डब्लुआइआइटी) ले अन्तर्राष्ट्रिय महिला दिवस २०२३ को अवसरमा डिजिटल इनोभेसन एण्ड टेक्नोलोजी फर जेन्डर इक्वालिटी विषयमा कन्फेरेनस आयोजना गर्ने भएको छ ।
होटल हायात प्लेसमा आयोजना हुने उक्त कन्फेरेन्समा प्रविधिलाई प्रयोग गरी कसरी लैंगिक समानता ल्याउन सकिन्छ भन्ने बारे छलफल गरिनेछ ।
आगामी फागुन २४ गते अन्तर्राष्ट्रिय नारी दिवसको दिन कन्फेरेन्स हुनेछ । डब्लुआइआइटीले आयोजना गरेको उक्त कार्यक्रमलाई नेपाल टेलिकम र लिभिङ विथ आइसिटीको सहकार्य रहेको छ ।
कार्यक्रममा १०१ जना आइसिटी क्षेत्रका महिलाहरुको बारेमा समावेश भएको किताबसमेत सार्वजनिक गरिनेछ । साथसाथै सूचना प्रविधिको क्षेत्रमा अग्रणी भूमिका निर्वाह गर्ने महिलाहरलाई कार्यक्रममा सम्मान पनि गरिनेछ ।
