अन्तर्राष्ट्रिय महिला दिवसको अवसरमा आइसिटी क्षेत्रका महिलासँग एनसेलको अन्तर्क्रिया

निजी क्षेत्रको दूरसञ्चार सेवा प्रदायक कम्पनी एनसेलले अन्तर्राष्ट्रिय महिला दिवसको अवसरमा सूचना तथा सञ्चार प्रविधि क्षेत्रका महिलासँग अन्तर्क्रिया गरेको छ ।

एनसेलले विविधता, समानता र समावेशीकरण अर्थात डाइभर्सिटी, इक्विटी एन्ड इन्क्लुशन (डीईआई) प्रति आफ्नो प्रतिवद्धता अनुरुप अन्तर्राष्ट्रिय महिला दिवस २०२३ को अवसरमा अन्तरक्रिया कार्यक्रम आयोजना गरेको हो ।

यो वर्ष अन्तर्राष्ट्रिय महिला दिवस ‘DigitAll: Innovation and technology for gender equality’  भन्ने थिमका साथ मार्च ८ मा विश्वभरी मनाईदै छ ।

एनसेलले आयोजना गरेको अन्तर्क्रियामा सूचना प्रविधि क्षेत्रमा उल्लेखनीय काम गर्दै आफ्नो गहिरो प्रभाव बनाउन सफल प्रभावशाली महिला र एनसेल वुमन आईकन आइसिटी अवार्डका विजेतासँग अनुभव, संघर्षका कथा र व्यक्तिगत रुपान्तरणका यात्राबारे अनुभव आदान प्रदान भएको थियो ।

अन्तर्क्रिया कार्यक्रममा प्राध्यापक तिमिला यामी थापा, गुणकेशरी प्रधान मानन्धर, डा. प्रनिता उपाध्याय, शिला कंसाकार कार्की, गंगा सुब्बा, दिव्यश्वरी दली र रत्नतारा वैद्य वक्ताका रूपमा उपस्थित थिइन् । कार्यक्रमको सञ्चालन सञ्चारकर्मी सुगारिका केसीले गरेकी थिइन् ।