आईसीटी समाचार
नेपाल दूरसञ्चार प्राधिकरणको बोर्ड सदस्यमा अब एक जना महिला अनिवार्य हुने भएको छ । बुधबार अन्तर्राष्ट्रिय नारी दिवसको अवसरमा सूचना प्रविधिमा महिला संस्थाले आयोजना गरेको एक कार्यक्रममा बोल्दै दूरसञ्चार प्राधिकरणका अध्यक्ष पुरूषोत्तम खनालले यस्तो जानकारी दिएका हुन् ।
दूरसञ्चार ऐनमा अब प्राधिकरणको बोर्डमा एकजना महिला सदस्य अनिवार्य हुने व्यवस्था गर्न लागेको उनले बताए । विद्यमान ऐनमा प्राधिकरणको बोर्डमा ५ जना सदस्य हुने भनिएको छ तर एक जना महिला अनिवार्य हुनुपर्छ भनेर व्यवस्था गरिएको छैन् ।
‘दूरसञ्चार ऐनमै तोकेर बोर्ड सदस्यमा एकजना महिला अनिवार्य हुनुपर्ने व्यवस्था गर्न लागेको छौं,’ अध्यक्ष खनालले भने, ‘पहिलो पटक ऐनमा यो व्यवस्था गर्न जाँदैछौं । तपाईहरूमाझ यो कुरा शेयर गर्न पाउँदा खुसी पनि लागेको छ ।’
