आईसीटी समाचार
माइक्रोसफ्टले आगामी हप्ता एआई भिडियोको साथमा च्याटजीपीटी फोर सार्वजनिक गर्ने भएको छ । अहिलेसम्म च्याटजीपीटी ३.५ भर्सनमा चलिरहेको छ र अब भन्ने माइक्रोसफ्टले फोर भर्सन सार्वजनिक गर्ने भएको हो ।
यसले थोरै टेक्स्ट निर्देशन अनुसार एआई भिडियो पनि बनाउन सक्नेछ । यसबारेमा माइक्रोसफ्ट जर्मनीका प्रमुख प्रविधि अधिकारी एन्ड्रीयर ब्राउनले जानकारी दिएका हुन् ।
च्याटजीपीटी फोरले भिडियो, इमेज, साउण्ड, नम्बर जस्ता विभिन्न डेटाहरुलाई प्रोसेस गर्न सक्ने छ । यसबाटै फिल्मको स्क्रीप्ट लेख्न मिल्ने, एआईबाटै फिल्मका लागि कलाकार बनाउन मिल्ने र पोस्ट गर्न समेत सम्भव रहेको साइबरसुरक्षा विज्ञचार्ल्स एवुजी बताउँछन् ।
जीपीटी फोरमार्फत एक दिनमै सुरु देखि अन्तिमसम्म दुई सय पानाको किताबसमेत लेख्न सकिने उनको दावी छ ।
च्याटजीपीटी फोर मार्फत एआईले प्रयोगकर्ताको टेक्स्टलाई इमेज, म्युजिक वा भिडियोमा समेत अनुवाद गर्न सक्ने माइक्रोसफ्टले बताएको छ ।
