आईसीटी समाचार
प्रधानमन्त्री पुष्पकमल दाहाल प्रचण्डले अनलाइनबाटै सबै सरकारी सेवा चुस्त र सहज रूपमा उपलब्ध गराउन काम भइरहेको बताएका छन् ।
सोमबार प्रतिनिधि सभामा विश्वासको मत माग्दै प्रधानमन्त्री प्रचण्डले यस्तो भएका हुन् । ‘सबै सरकारी सेवाहरूको लागत र समय पनि घटाएर अनलाइन प्रणालीबाट सबै सेवा चुस्त र सहज रूपमा उपलब्ध गराउन आवश्यक काम भइरहेको ,’ प्रधानमन्त्रीले भने ।
त्यस्तै उनले हेलो सरकारलाई प्रभावकारी बनाइएको र यसलाई स्थानीय तहसम्म विस्तार गरिने जानकारी दिएका थिए ।
उनले एकीकृत वेबसाइट व्यवस्थापना प्रणाली विकास गरेको र अनलाइनमाध्यमबाट सार्वजनिक सेवा प्रवाह गर्ने सरकारी कार्यालयहरूबीच अरतर–आबद्धता सुरु भएको जानकारी दिए ।
