आईसीटी समाचार
एनसेलको मातृ कम्पनी आजियाटाको प्रमुख कार्यकारी अधिकृतमा जब्बोर कायुमोभ नियुक्त भएका छन् । हालै सम्पन्न आजियाटाको बोर्ड बैठकले कायुमोभलाई सीईओमा नियुक्त गरेको हो । नवनियुक्त सिइओ जब्बोर कायुमोभ नेपाली दूरसंचार क्षेत्रका लागि नयाँ होइनन् ।
यसअघि नै उनी सन् २०१३ मेदेखि २०१६ अक्टोबरसम्म स्मार्ट टेलिकमको सीसीओ/सीइओ भएर काम गरिसकेका छन् । योभन्दा अघि पनि कायुमोभले २०११ अप्रिलदेखि २०१२ नोभेम्बरसम्म एनसेलको सीसीओ पदमा काम गरेका थिए ।
जब्बोरले टेलिया र भिम्पेलकम जस्ता दूरसंचार संस्थाहरूमा सीईओको रूपमा समेत काम गरिसकेका छन् । उनी डिजिसेल जमैकामा सीईओको रुपमा कार्यरत थिए । गत १६ जनवरीमा उनले डिजिसेल छाडेका थिए । भूतपूर्व सिइओ रहेका एन्डी चोङलाई भने बढुवा गर्दै आजियाटामै फिर्ता बोलाइएको छ ।
चोङलाई कम्पनीको नियमन, स्ट्र्याटेजिक कम्युनेकेसन, मार्केटिङलगायत हेर्ने जिम्मेवारी दिइएको छ । आजियाटाको मुख्यालय मलेसियाको राजधानी क्वालालम्पुर रहेको छ र चोङको यो नियुक्ति २०२३ जुन १ देखि लागु हुनेछ। चोङलाई आजियाटा समूहले सन् २०१९ नोभेम्बरमा एनसेलको सीइओ/प्रबन्ध निर्देशकमा नियुक्त गरेको थियो ।
