आईसीटी समाचार
इन्टरनेट सेवा प्रदायक संघले इन्टरनेट सेवा प्रदायकहरुका अध्यक्ष, बोर्ड सदस्य, प्रमुख कार्यकारी निर्देशक सहितको उपस्थितिमा बिशेष भेला गरेको छ । इन्टरनेट सेवा प्रदायकहरुका बीच सहकार्य गर्न आहवान गरिएको थियो ।
उक्त भेलामा सेवा प्रदायहरुको बृहत छलफल इन्टरनेट सेवा र यस क्षेत्रलाई व्यवस्थित, मर्यादित र गरिमामय बनाउन इन्टरनेट सेवा प्रदायकहरुले हातेमालो गर्दै अघि बढ्ने लगायतका निर्णयहरू गरेको छ ।
भेलाले नेपाल सरकारले लिएको डिजिटल फाउन्डेसनको लक्ष्यलाई आत्मसाथ गरी विश्व मापदण्ड अनुसार सेवा गुणस्तरमा सुधार गर्दै जाने निर्णय गरेको इन्टरनेट सेवा प्रदायक संघका अध्यक्ष सुदिप पराजुलीले बताए ।
माथि उल्लेखित निर्णय कार्यानव्यन गर्नका लागि इन्टरनेट सेवा प्रदायकहरुले आवश्यक कार्य गर्ने समेत भेलाको निर्णय छ ।
उक्त लक्ष्य प्राप्त गर्नका लागि सम्पूर्ण आवश्यक तयारी गर्ने, SOP निर्माण, प्रक्रियागत सुधार लगायतका आवश्यक कार्यहरु गर्ने पराजुलीले जानकारी दिए ।
यस्तै नेपाल दूरसंचार प्राधिकरण र नेपाल सरकारको सम्बन्धित निकायसंग इन्टरनेट क्षेत्रलाई व्यवस्थित एबं गरिमामय बनाउनका लागि आवश्यक छलफल/ हातेमालो/ सहकार्य गर्दै जाने निर्णय गरेको छ ।
