आईसीटी समाचार
नेपाल राष्ट्र बैंकका कर्मचारीले नै आधिकारिक इमेलको जाँच गर्न व्यक्तिगत इमेल प्रयोग गरेको देखिएको छ ।
६० औं वार्षिक प्रतिवेदनमा महालेखापरीक्षकको कार्यालयले राष्ट्र बैंकले आधिकारिक इमेलको जाँच गर्न व्यक्तिगत इमेल प्रयोग गरेको तथ्य बाहिर ल्याएको हो ।
राष्ट्र बैंकले बैङ्कले सूचना प्रविधि नीति, २०१८ लाई अद्यावधिक गरेपनि इनक्रिप्सन र - ईन्डेक्सनको व्यवस्था नगरेको, एप्लिकेशनको सोर्स कोडको अभिलेखाइन नभएको, जी. एल. ओ.बी.एस. 'टी.आर.जी.एस. स्वीफ्ट एस. आई. एस. जस्ता सञ्चालित एप्लिकेसनको सर्भर र लग व्यवस्थापनको जिम्मेवारी किटानी नगरेको महालेखाको ठहर छ ।
यसका साथै आईसीटी इन्टेलिजेन्स उपकरण, अपरेटिङ प्लेटफर्मको लागि अद्यावधिक जोखिम संयन्त्र निर्धारण नगरेको, आधिकारिक इमेलको जाँच गर्न व्यक्तिगत इमेल प्रयोग गरेको बैंकिङ्ग प्रणाली तथा एप्लिकेसनहरू, कर्मचारीको जिम्मेवारी र आईटी संरचनाको परिवर्तन व्यवस्थापनसम्बन्धी अपचयन नगरेको जस्ता स्थिति देखिएकोले केन्द्रीय बैङ्कको सूचना संयन्त्र अद्यावधिक गरी जोखिम व्यवस्थापनलाई न्यूनीकरण गर्ने व्यवस्था मिलाउन महालेखाले निर्देशन दिएको छ ।
