आईसीटी समाचार
विश्वमै सबैभन्दा चाँडो वृद्धि भईरहेको स्मार्टफोन ब्रान्ड रियलमीको सि सिरिजको लेटेस्ट् मोडल सी-५५ नेपाली बजारमा उपलब्ध भएको छ ।
६४ एमपिको क्यामरा र ३३ वाटको फास्ट चार्जिङ सहितको यस सि ५५ ले यो सेग्मेन्ट र यो मुल्यको बजारमा एन्ट्री लेभल च्याम्पियनको रुपमा नयाँँ बेन्चमार्क खडा गर्ने विश्वास कम्पनीले लिएको छ ।
त्यस्तै स्लिक डिजाइन र पावरफुल पर्फर्मेन्स तथा कटिङ एज फिचरयुक्त यस सि ५५ स्टाइल र फंक्सनालिटी दुवै खोज्ने युवा उपभोक्ताहरुको पहिलो रोजाइमा पर्ने पनि कम्पनीले दावी गरेको छ ।
डाइनामिक इमेज स्न्याप शट, स्ट्रिट फिल्टर, नाइन्टिज पप फिल्टर जस्ता फिचरहरु पनि यसको क्यामरामा समावेश गरिएका छन् । सेल्फी क्यामराको कुरा गर्नुपर्दा यसमा यसमा ८ एमपिको लेन्स छ जसले १०८०पि को भिडियो रेकर्ड गर्न सक्छ ।
त्यस्तै यसमा ५००० एमएएच्को शक्तिशाली ब्याट्रि राखिएको छ । जम्मा २९ मिनेटमै आधाभन्दा बढी चार्ज हुने क्षमताको ३३ वाटको सुपरभोक चार्जिङ टेक्नोलोजी रहेको छ ।
त्यस्तै अर्को मुख्य फिचर भनेको यसको ९० हर्जको फुल एचडी प्लस डिस्प्ले हो जुन बजारमा उपलब्ध यो मुल्यका फोनहरुमा पाइने सबैभन्दा ठुलो डिस्प्ले हो ।
यसमा भएको मेडियाटेक हेलियो जि ८८ चिपसेटले प्रयोगकर्ताहरुलाई सिमलेस युजर एक्स्पिरियन्स प्रदान गर्छ । त्यस्तै यसको अक्टाकोर प्रोसेसरले पावरफुल र प्रभावकारी पर्फर्मेन्स दिन्छ ।
स्टोरेजको कुरा गर्नुपर्दा यसमा ८ जिबिको र्याम र १६ जिबिको डाइनामिक र्याम रहेको छ जसले गर्दा ब्याकग्राउन्डमा २० वटासम्म एपहरु बिना कुनै ल्याग चलाउन सकिन्छ ।
त्यस्तै सि सिरिजको यो पहिलो मोडल हो जुनमा युआइ ४.० राखिएको छ । यति धेरै आकर्षक फिचरहरु भएको यो फोन सन शावर र रेनी नाइट गरी दुईवटा आकर्षक रंगहरुमा उपलब्ध छ ।
६ जीबी प्लस ६४ जीबी स्टोरेज भएको सेटको मुल्य रु.२१,९९९ राखिएको छ भने ८ जीबी प्लस १२८ जीबी स्टोरेज भएको सेटको मुल्य रु.२५,९९९ राखिएको छ ।
