आईसीटी समाचार
सोनी वल्र्ड फोटोग्राफीको क्रियटिभ क्याटेगोरीमा एआईले बनाएको जर्मन कलाकारको फोटोले सबैभन्दा प्रतिष्ठित फोटोग्राफी पुरस्कार प्राप्त गरेको छ । तर उक्त पुरस्कार लिन जर्मन कलाकार तथा त्यस फोटोको फोटोग्राफर बोरिस एल्डागसेनले अस्वीकार गरेका छन् ।
उनले आफूले यस्ता किसिमका प्रतिस्पर्धाहरु एआईको फोटोहरु छुट्याउन सक्छ की सक्दैन् भनेर जाँच गर्नका लागि यस प्रतिस्पर्धामा भाग लिएको भन्दै पुरस्कार ग्रहण गर्न अस्वीकार गरेका हुन् ।
द इलेक्ट्रिसियन नाम गरेको फोटोले सोनी वल्र्ड फोटोग्राफीको क्रियटिभ क्याटेगोरीमा पहिलो स्थान जितेपछि फोटोग्राफीको क्षेत्रमा यसको आलोचना सुरु भएको छ ।
यो फोटो क्यामेराले कैद नगरेता पनि पहिलो स्थान पाउन सफल भएकाले धेरैले परिणाममा चित्त बुझाएका छैनन् ।
एल्डागसेनको यो फोटो सियुडेमनेजिया : फेक मेमोरिज नामक सिरिजबाट लिइएको एक फोटो हो, जहाँ एआईलाई भाषिक इन्पुट दिएर २० देखि ४० पटक एडिट गरेबापत आएको फोटोहरुलाई संकलित गरिएको छ ।
यस्ता किसिमका प्रतिस्पर्धाहरुले एआइबाट तयार गरिएको फोटोहरु छुट्याउन सक्ने प्रविधि ल्याउनु एकदमै महत्वपूर्ण रहेको एल्डागसेनले बताएका छन् ।
