आईसीटी समाचार
नेपालमा विद्युतीय मोटरसाइकल निर्माण गरेको यात्री मोटरसाइकलले संस्थापक पलायन भएको सामाचार झुटो भएको बताएको छ । फेसबुकमा एक पोष्ट लेख्दै कम्पनीले यात्री मोटसाइकलका संस्थापक पलायन नभएको बताएको हो ।
'यात्री मोटरसाइकलका संस्थापक विदेश गएको र नेपालमै विश्वस्तरीय प्रडक्ट विकास गर्ने भिजन त्यागेको भ्रामक समाचार हामीले देखेका छौं,' सूचनामा भनिएको छ, 'यो सत्य होइन् । यात्री मोटरसाइकल आफ्नो भिजनमा प्रतिबद्ध छ ।
आफुहरूले सुरूवातदेखि नै चुनौती सामना गरेपनि अगाडि बढिरहेको र बढिरहने कम्पनीको भनाइ छ । यातायात व्यवस्थापन कार्यविधि निर्देशिका २०६० (संसोधन २०७४) मा सवारी दर्ताको भन्सार प्रज्ञापनपत्र र भन्सार महसुस अनिवार्य गरिएको छ । यही बाध्यात्मक व्यवस्थाका कारण स्वदेशमै बन्ने सवारीसाधनले नम्बर प्लेट पाउन सकेका छैनन् ।
त्यसैकारण यात्रुले उत्पादन गरेका माेटरसाइकलले नम्बर प्लेट नपाउँदा समस्या भएकाे छ ।
नेपालको कानुनले स्वदेशमा बनेको सवारीसाधनलाई नम्बर प्लेट दिने परिकल्पना गरेको छैन् । तर पछिल्लो समय नेपालमै सवारीसाधन उत्पादन हुन थालेका छन् ।
यस्तो अवस्थामा स्वदेशी सवारीसाधनलाई नम्बर प्लेट नभएको आधारमा ट्राफिक प्रहरीले नियन्त्रणमा लिँदै आएको छ ।
यो पनि पढ्नुहोस्ः यसरी सुरु भयो यात्रीसँग अशिमको यात्रा, अबको योजना सस्तो उत्पादन
