आईसीटी समाचार
काठमाडौंको जमलस्थित नाचघरको प्रेक्षालयमा गत चैत १० गते शुक्रबार गिती नाटक ‘जून’ को मञ्जन भएको थियो । नम्रता केसीद्वारा निर्देशित नाटक ‘जून’ले नृत्यको माध्यमबाट एउटा बाबु र छोरीको संघर्ष र मायाको कथा प्रस्तुत गरेको थियो, जसलाई दर्शकले रुचाएका थिए ।
दर्शकको भरपुर मायाले ुजूनुलाई फेरि एक पटक ब्युँताउने भएको छ । मण्डला थिएटरमा एस्थेस्टिक डान्स स्टुडियो र सिक्वेल फाउन्डेसनले फेरि पनि यसलाई निरन्तरता दिँदै वैशाख १५ देखि वैशाख २४ गतेसम्म चलाउने निर्णय गरेको छ ।
संयोग गुरागाईंद्वारा लिखित नाटकले इमान्दार भएर समस्यासँग जुध्न सके जस्तोसुकै समस्याको पनि समाधान हुने तर्क प्रस्ततु गरेको थियो । नाटकमा सलिन मगर र सरस्वती श्रेष्ठको संगीत रहेको थियो भने एस्थेस्टिक डान्स स्टुडियोका कलाकारको सामूहिक प्रस्तुति रहेको थियो। नाटकलाई सिक्वेल फाउन्डेसनले नाचघरमा देखाउने व्यवस्थापन गरेको थियो ।
'जून' गिती नाटकमा १३ नारी र ४ पुरुष गरेर कुल १७ जना सम्मेलित थिए । यसपटक भने टिकटको रकम सप्ताहन्तमा रु ५०० र सामान्य दिनमा रु ३०० तोकिएको छ। दर्शकले रु १००० को पनि टिकट काट्न पाउने छन् ।
