आईसीटी समाचार
नेसनल आईसिटी अवार्ड २०२३ (प्राइभेट सेक्टर) बाट इन्फोडेभलपर्स प्रालि सम्मानित भएको छ । राष्ट्रिय सूचना तथा सञ्चार प्रविधि दिवस २०८० को अवसरमा सरकारले १ लाख नगद र प्रमाणपत्रसहित नेसनल आईसिटी अवार्ड (प्राइभेट सेक्टर) २०२३ बाट इन्फोडेभलपर्स सम्मान गरेको हो ।
विगत दुई दशकदेखि नेपालको सफ्टवेयर क्षेत्रमा काम गरिररहेको अग्रणी कम्पनी हो, इन्फोडेभलपर्स । ३ जनाको सकृयतामा आफ्नै घरको कोठाबाट वि.स २०५९ सालमा सुरु भएको इन्फोडेभलपर्समा अहिले ३५० बढि कर्मचारी कार्यरत छन ।
सहकारी तथा माइक्रो फाइनान्सलाई डिजिटलाइज गर्ने पहिलो प्रयासबाट अघि बढेको इन्फोडेभलपर्सले नेपाल सरकारका विभिन्न निकाय, सरकारी संघ सस्था, अन्तराष्ट्रिय एजेन्सी लगायतमा महत्वपूर्ण सफ्टवेरहरु विकास गर्दै प्रयोगमा ल्याएको छ । इन्फोडेभलपर्सले नेपालको पहिलो कोर बैंकिङ सफ्टवेयर पुमरीलाई मर्ज गरेर नेपालसहित अन्तराष्ट्रिय बजार विस्तारमा काम गरिरहेको छ ।
इन्फोडेभलपर्सको १० भन्दाबढी महत्वपूर्ण प्रडक्टहरु बजारमा छन् । पुमरी, मोबाइल बैकिङ सेवा, इन्फो ट्याब, वित्तीय सेवा, इन्फिनिटी, इम्पावर लगायतका महत्वपूर्ण प्रडक्टहरुले फिनटेक क्षेत्रलाई डिजिटल युगमा परिवर्तन गर्न सघाँउ पुर्याएको छ ।
यसैगरी आधुनिक बैकिङलाई लक्षित गरेर एआई र क्लाउडमा आधारित अन्तराष्ट्रिय स्तरको नया सफ्टवेयर विकासको क्रममा कम्पनी रहेको छ ।
कम्पनीले आफ्ना प्रडक्टहरुलाई नेपाल बाहिर म्यानमार, भुटान, भारत र अन्य देशहरुमा पनि विस्तार गरिरहेको छ । नेपालकै लागि सफ्टवेयरहरु विकास गर्दै सफ्टवेयर उद्योगमा बलियो उपस्थिती जनाएको कम्पनीले अफसोर्सलाई जोड दिइरहेको छ ।
कम्पनीले हालसम्म विभिन्न राष्ट्रिय तथा अन्तराष्ट्रिय स्तरमा ५ भन्दाबढि अवार्ड प्राप्त गरिसकेको छ । वार्षिक ६५ करोडबढिको कारोबार गरिरहेको कम्पनी इन्फोडेभलपर्सले डिजिटल नेपाल तथा डिजिटल रुपान्तरणको प्रयासमा राष्ट्रको लागि महत्वपूर्ण योगदान पुर्याइरहेको छ ।
