आईसीटी समाचार
नेसनल आइसिटी अवार्ड प्राइभेट सेक्टर २०२३ बाट गर्भनेन्स अटोमेसन सोलुसन प्रालि सम्मानित भएको छ । राष्ट्रिय सूचना तथा सञ्चार प्रविधि दिवस २०८० को अवसरमा सरकारले १ लाख नगद र प्रमाणपत्रसहित नेसनल आईसिटी अवार्ड २०२३ बाट गर्भनेन्स अटोमेसन सोलुसन सम्मानित गरेको हो ।
सरकारी सेवालाई अटोमेसन तथा डिजिटलाइज गर्ने उदेश्य सहित २०७६ सालमा सुरु भएको कम्पनीले एक दर्जनबढि प्रडक्टहरुको विकास गरेर प्रयोगमा ल्याइसकेको छ ।
कम्पनीले विशेषगरी काठमाडौं वाहिर स्थानिय र प्रदेश सरकारका सेवाहरुलाई प्रविधिमैत्री बनाउने अभियानमा काम गरिरहेको छ ।
इ क्याबिनेट, डकुमेन्ट म्यानेजमेन्ट सिस्टम, कम्युनिकेशन मिडिया रजिस्ट्रेसन सिस्टम, इ लेगिस्लेसन सिस्टम, रेन्टल म्यानेज्मेन्ट सिस्टमहरु, विभिन्न प्रदेश र स्थानिय सरकारले प्रयोग गरिरहेका कम्पनीका प्रडक्टहरु हुन ।
यसैगरी शिक्षा व्यवस्थापन प्रणाली, हस्पिटल व्यवस्थापन र ल्याब्रोटरी व्यवस्थापन सफ्टवेयर सिस्टमहरु मार्फत देशभरी सेवा विस्तार गरिरहेको कम्पनीले तिनै तहका सरकारलाई डिजिटल रुपान्तरणको प्रयासमा सघाइरहेको छ ।
स्थापना भएको छोटो अवधिमा नै कम्पनीले ३ करोड हाराहारीमा वार्षिक कारोबार गरिरहेको छ । २५ बढि दक्ष जनशत्ती मार्फत काम गरिरहेको कम्पनीले युएनडिपी लगायतका अन्तराष्ट्रिय सस्थाहरुसँगको सहकार्यमा डिजिटलाइजेसनको काम गरिरहेको छ ।
नवप्रर्तक कम्पनीको रुपमा काठमाडौं बाहिर केन्द्रित रहेर सूचना प्रविधिको प्रयोग मार्फत राष्ट्रको लागि कम्पनीले महत्वपूर्ण योगदान पुर्याइरहेको छ ।
