आईसीटी समाचार
छुट्टीको नाम लिने बित्तिकै हाम्रो खुसीको सीमा नै रहँदैन् । बिदामा बस्न सबैलाई रमाइलो लाग्छ । तर कहिलेकाँही कामको इमेल आउछ की समयमै प्रतिक्रिया दिनुपर्ने हो की जस्ता प्रश्नहरुले झस्काइ रहन्छ ।
यही समस्याबाट बचाउनका लागि गूगलले आफ्नो जिमेलमा भ्याकेसन रिस्पोन्डर फिचर सार्वजनिक गरेको छ । यसले प्रयोगकर्ताले चाहेअनुसारको जवाफ दिन सक्छ र इमेल गरेका सबैलाई छुट्टीमा हुनुहुन्छ भनेर जानकारी दिन सक्छ ।
प्रतिक्रियाबिनानै छोडिरहँदा इमेल पठाउनेलाई तपाईले याद नगरेको वा केही कारणवश तपाईले इमेलको रिप्लाई दिइरहनुभएको छैन् भनेर चिन्ता लाग्ने समस्याबाट मुक्त गर्नका जिमेलले भ्याकेसन रिस्पोन्डर फिचर ल्याएको हो ।
भ्याकेसन रिस्पोन्डरले स्वचालित जवाफहरू फर्काउने सेवा दिन्छ, जुन तपाईं अफिसबाट बाहिर हुँदा सेट गर्न सक्नुहुन्छ र तपाईको अनुउपस्थितिमा पनि मेलहरु आफै जान सक्ने छन् ।
भ्याकेसन रिस्पोन्डरले कसरी काम गर्छ ?
यो सुविधा जीमेलको वेब र मोबाइल एप दुवैका लागि उपलब्ध छ । यसलाई प्रयोग गर्न सबैभन्दा पहिले आफ्नो फोनमा जीमेल खोल्नुहोस् र तीन–लाइन मेनुमा जानुहोस् ।
तल गएर सेटिङ्गमा क्लिक गर्नुहोस्। त्यसपछि अकाउन्टमा क्लिक गर्नुहोस्, जसमा तपाई भ्याकेसन रिस्पोन्डर राख्न चाहनुहुन्छ।
यति गरेपछि अब तपाईले भ्याकेसन रिस्पोन्डर जनरलको तल देख्नुहुनेछ, यसलाई क्लिक गर्नुहोस् र टगल अन गर्नुहोस् ।
यहाँ तपाईंले आफ्नो प्रस्थान र फर्कने मितिसहित आफ्नो सन्देश सेट गर्नुपर्छ र डनमा क्लिक गर्नुपर्ने हुन्छ । यदि तपाई वेबसाइट भर्सन प्रयोग गर्दै हुनुहुन्छ भने, पृष्ठको दायाँ कुनामा देखिने सेटिङ अप्सनमा क्लिक गर्नुहोस् र सि अल सेटिङमा क्लिक गर्नुहोस् ।
यसपछि तल जनरलमा जानुहोस्, जहाँ तपाईंले भ्याकेसन रेस्पोन्डर अप्सन देख्नुहुनेछ । यहाँ तपाईंले आफ्नो प्रस्थान र फर्कने मितिको साथ आफ्नो सन्देश सेट गर्नुपर्नेछ र सेभ अल चेन्जेज अप्सनमा क्लिक गर्नुहोस् ।
नोटः यो सेटिङले तपाईंको इमेलमा सेट गरिएको सन्देशको साथ जवाफ दिनेछ। तपाईं यसलाई कुनै पनि समयमा बन्द वा परिवर्तन गर्न सक्नुहनेछ ।
