आईसीटी समाचार
माइक्रोसफ्टले आफ्नो नयाँ एआई संचालित बिंग सबैका लागि उपलब्ध गराएको छ । कम्पनीका अनुसार अहिले कुनै पनि प्रयोग वेटिङ लिस्टमा छैनन् ।
योसँगै माइक्रोसफ्ट एआई आधारित सर्च इन्जिन भएको पहिलो कम्पनी बनेको छ । माइक्रोसफ्टले बिंगमा धेरै नयाँ अपडेटहरु पनि सार्वजनिक गरेको छ ।
कम्पनीले टेक्सट नअली सर्च र फोटो– र भिडियो–केन्द्रित जवाफहरूको साथ च्याटमा थप अपडेटहरू ल्याएको छ । बिंगले च्याटलाई थप स्मार्ट सुविधाहरूसहित अपग्रेड गर्दैछ, जसले प्रयोगकर्ताहरूलाई तस्बिरहरू मात्र अपलोड गरेर सम्बन्धित सामग्रीको लागि वेब सर्च गर्न दिनेछ ।
त्यस्तै प्रयोगकर्ताहरू एकै साथ आफ्नो अघिल्लो च्याटमा फर्कन सक्छन् र च्याट हिस्ट्री पहुँच पनि गर्न सक्नेछन् ।कम्पनीले प्रयोगकर्ताहरूलाई नयाँ बिंग च्याट सुविधा प्रयोग गर्नका लागि आफ्नो वेटिङ हटाएको हो ।
