आईसीटी समाचार
भिभोले आफ्नो फ्ल्यागशिप भी सिरिजअन्तर्गत नयाँ स्मार्टफोन भी २७ सिरिज नेपालमा सार्वजनिक गरेको छ । भीभो भी २७ फाइभजी र भी २७ ई स्मार्टफोन नेपाली बजारमा सार्वजनिक भएका हुन् ।
स्मार्टफोनहरू वैशाख ३१ गतेसम्म प्रि–बुकिङ गर्न सकिने छ । ग्राहकहरूले ३ हजार तिरेर भी २७ फाइभजी वा भी२७ई को प्रि–बुकिङ गर्न सक्नेछन् ।
साथै ग्राहकहरूले भी २७ फाइभजीको प्रि–बुकिङमा भिभो टीडब्लुएस एयर र भी २७ ईको प्रि–बुकिङमा नोइज कलर फिट ग्राण्ड स्मार्टवाच पाउँनेछन् ।
फोनमा स्लीक डिजाइन, भी २७ फाइभजीमा औरा लाइट पोट्र्रट सिस्टम, ४६०० एमएएच ब्याट्री र ६६ वाट फ्ल्यास चार्ज लगायतका आकर्षक विशेषताहरु छन् ।
भी २७ फाइभजी दुई आकर्षक रङहरूमा म्याजिक ब्लू र नोबल ब्ल्याकमा उपलब्ध हुनेछ, जसको मूल्य ५८ हजार ९९९ रूपैयाँ तोकिएको छ । त्यस्तै भी २७ ई दुई रङ ल्याभेन्डर पर्पल र ग्लोरी ब्ल्याकमा ४१ हजार ९९९ रूपैयाँमा उपलब्ध हुनेछ ।
दुवै स्मार्टफोनहरू ८ जीबी २५६ जीबी भेरियन्टमा जेठ १ गतेबाट देशभरका सबै रिटेल स्टोरहरू र ईकर्मसमा उपलब्ध हुनेछ ।
