आईसीटी समाचार
इन्टेलले यस वर्षको अन्त्यमा आफ्नो १४ औं जेनरेशन मेटियर लेक प्रोसेसर निर्माण गर्ने तयारी गरिरहेको छ । इंटेलले १४ औं पुस्ताको सुरुवातका साथ कोर फैमिली सीपीयूहरूको नाम परिवर्तन गर्ने योजना समेत बनाएको छ ।
कम्पनीका अनुसार ग्राहकहरूले सरल नामकरणको माग गरिरहेका छन् । कोर आइ थ्री, आइ फाइभ, आइ सेभेन र आइ नाइन इन्टेल चिपका लागि परिचित नाम हुन् । अब यी चिप कोर अल्ट्रा ५, कोर अल्ट्रा ७ र कोर अल्ट्रा ९ को रूपमा चिनिने छन् ।
कोर आइ थ्री, आइ फाइभ, आइ सेभेन र आइ नाइन १५ वर्षपछि बन्द हुन लागेका हुन् । अब नयाँ चीपमा इंटेलले यसको स्टिकर र मार्केटिङमा जेनेरेशन नम्बरहरूलाई पनि प्राथमिकता नदिने जनाएको छ ।
प्रत्येक सिपियू टियरका लागि मात्र नभएर इन्टेल ईभो प्रमाणित ल्यापटपहरू र भि प्रो इन्टरप्राइज र भि प्रो एसेन्सियल बिजनेश योग्यताहरूका लागि पनि नयाँ ब्याज डिजाइनहरू सार्वजनिक गरिएका छन् ।
