आईसीटी समाचार
प्रधानमन्त्री पुष्पकमल दाहाल ‘प्रडण्ड’ले हाल दैनिक १५ हजारको संख्यामा राष्ट्रिय परिचयपत्र छपाइ भइरहेको बताएका छन् ।
बुधबार प्रतिनिधि सभा सदस्यहरूले उठाएको प्रश्नको जवाफ दिदै प्रधानमन्त्रीले पुस ११ सम्म दैनिक ७ हजारको संख्यामा छपाइ हुने परिचयपत्र अहिले दुई सिफ्टमा १५ हजारको संख्यामा छापिइरहेको जानिकारी दिएका हुन् ।
उनका अनुसार ५३ जिल्लाका ५५४ स्थानीय तहमा अभियान सञ्चालन गरी करिब १ करोड ३० लाख नागरिकको विवरण संकलन भएको छ ।
बढी भिडभाड हुने जिल्ला प्रशासन कार्यालयमा टाइम कार्ड एवं टोकन प्रणाली लागू गरिएको प्रधानमन्त्रीले जानकारी दिए ।
