आईसीटी समाचार
प्रधानमन्त्री पुष्कमल दाहाल ‘प्रचण्ड’ ले नो अब्जेक्सन लेटर (एनओसी) मोबाइलमै पाउने व्यवस्था गरेको बताए ।
बुधबार प्रतिनिधि सभा सदस्यहरूले उठाएको प्रश्नको जवाफ दिदै प्रधानमन्त्रीले केही महिना अघिसम्म एओसी लिन लाइन बस्नु पर्ने व्यवस्था अन्त्य गर्दै मोबाइलमै प्राप्त गर्न सकिने व्यवस्था गरेको जानकारी दिएका हुन् ।
‘केही महिनाअघिसम्म विद्यार्थीहरू नो अब्जेक्सन सर्टिफिकेट लिन भक्तपुरको सानो ठिमीमा मध्यरातदेखि कम्बल बोकेर लाइनमा बसेका समाचार आउँथे,’ प्रधानमन्त्री संसदमा भने, ‘विदेशमा पढ्न हिँडेका युवा विद्यार्थीमा त्यो यातनाले व्यवस्था र अवस्थाप्रति पक्कै वितृष्णा जगाउँथ्यो । अहिले त्यो सर्टिफिकेट आफ्नै मोबाइलमा प्राप्त गर्न सकिने भएको छ ।’
