केही दिनमै एसईईको नतिजा आउँदै, यस्ता छन् हेर्ने तरिका

राष्ट्रिय परीक्षा बोर्ड केही दिनमै माध्यमिक शिक्षा परीक्षा (एसईई) को नतिजा सार्वजनिक गर्दैछ । त्यसैअनुसार बोर्डले बुधबार एसईई २०७९ को नतिजा हेर्न तरिका बारे जानकारी दिएको छ ।

यस वर्षको एसईईको नतिजा वेबसाइट, एसएमएस र आईभीआरबाट प्रकाशित हुनेछ ।  एसएमएसबाट नतिजा थाहा पाउन SEE लेखेर सिम्बोल नम्बर टाइप गरी ३५००१, ३४९४९, ३१००३, ३१०६४ वा १६०० पठाउनु पर्ने छ ।

त्यस्तै नेपाल टेलिकमका प्रयोगकर्ताले १६०० डायल गरेर पनि आफ्नो एसईईको नतिजा थाहा पाउन सक्ने छन् । यी बाहेक विभिन्न वेबसाइट र एपबाट सनेत थाहा पाउन सकिने छ ।

राष्ट्रिय परीक्षा बोर्डको एसईईको वेबसाइट , राष्ट्रिय परीक्षा बोर्डको वेबसाइट , खल्ती , निमा एकेडेमी , इकान्तिपुर डटकम , दि कनेक्ट प्लस , इडियु सञ्जाल , नेपाल टेलिकम , एनआईसी एशिया बैंक , माई पे , आयो रिजल्ट लगायतबाट नतिजा थाहा पाउन सकिने छ ।