आईसीटी समाचार
नक्कली भुटानी शरणार्थी प्रकरणमा नेपाली कांग्रेसकी नेतृ तथा सांसद डा. आरजु राणा देउवाको नाम लिएको अडियो दाङका सन्देश शर्माको आवाजसँग मिलेको छ ।
आरजु राणाले नक्कली भुटानी शरणार्थी प्रकरणमा आफ्नो नाम जोडेर सामाजिक सञ्जालमा सार्वजनिक भएको अडियो फेक भएको र छानबिन गरी दोषीलाई कारबाही गर्न प्रहरीको साइबर व्यूरोमा निवेदन थिइन् ।
निवेदनमाथी अनुसन्धान गर्दा अडियोमा भएको स्वर दाङका ३४ वर्षिय सन्देश शर्माको आवाजसँग मिलेको नेपाल प्रहरीका प्रवक्ता कुवेर कडायतले जानकारी दिएका छन् ।
उक्त अडियो पहिलो पटक कसले राखेको थियो भन्ने बारे खुलाउन प्रहरीले टिकटक सिंगापुरलाई पत्र पठाएको छ ।
दाङका शर्मा नक्कली भुटानी शरणार्थी प्रकरणमा पक्राउ परेर अनुसन्धानका लागि थुनामा राखिएका छन् । उनीमाथि प्रहरीले संगठित अपराध कसूर मुद्दामा अनुसन्धान गरिरहेको छ ।
