आईसीटी समाचार
काठमाडौं महानगरपालिकाले आईडिया बैंकका लागि ५० वटा आईडिया छनौट गरेको छ । आईडियालाई व्यवसायमा परिणत गर्ने उद्देश्यले महानगरको शहरी योजना आयोगले प्रारम्भिक छनौमा परेका १०१ आईडियाबाट ५० वटा आईडिया छानेको हो ।
प्रारम्भिक छनौटमा परेका १०१ आईडियाले आफ्नो आईडिया, व्यवसायीक सम्भावना लगायतको विषयमा प्रस्तुती दिएका थिए ।
यस चरणका लागि समुदाय र वातावरण विधामा ३२, प्रशासनिक प्रभावकारितामा ७ वटा, सामुदायिक सेवामा २३ वटा, आर्थिक सामाजिक क्षेत्रमा १९ वटा र सहरी पूर्वाधारमा २० वटा गरी १०१ सोच छानिएका थिए । यसमा ७८ वटा समूह र २३ जना व्यक्ति छन् ।
प्रस्तुती र निर्णायकको आधारमा ५० वटा आईडिया छनौटमा परेका हुन् । छानिएका आईडियालाई आवश्यक प्रशिक्षण दिने र सम्भावित लगानीकर्ताहरूसँग जोडिदिने महानगरले जनाएको छ ।
