आईसीटी समाचार
बसुन्धारबाट सुरु भएको प्लस साइज नेपालले सोमबार आफ्नो तेस्रो आउटलेट कुमारीपाटीमा सुरुवात गरेको छ । काठमाडौँको बसुन्धारा पछि प्लस साइज नेपालले कावासोतीमा दोस्रो आउटलेट खोलेको थियो ।
सामाजिक सञ्जालमा प्रख्यात रहेको प्लस साइज नेपालको ब्राण्डले हाल एक हजार भन्दा धेरै डिजाइनहरु सार्वजनिक गरिसकेको छ भने एक डिजाइन ९ वटा भिन्न साइजहरुमा बनाउँदै आएको छ ।
इस्मल, मिडियम, लार्ज देखि ६एक्स एल सम्मको साइजमा हरेक डिजाइनका लुगाहरु बनाउँदै आएको छ । प्लस साइज नेपालका अध्यक्ष विष्णु बोहोराले करिब ५ वर्षको समयकालमा प्लस साइज नेपाललाई ब्राण्ड बनाउन दिन रातको मिहिनेतले मात्र सम्भव भएको बताए ।
म्यानपावर व्यवसायी समेत रहेका विष्णु बोहोराले तत्कालीन श्रममन्त्री गोकर्ण विष्टले मलेसियामा प्रतिबन्ध लगाएपछि फुरेको आइडियाले प्लस साइज नेपाल सुरु गरेका थिए ।
प्लस साइज नेपालले कपडा विदेश निर्यात समेत गर्न थालेको छ । धेरै नभए पनि केही मात्रामा मलेसियामा लुगाहरु निर्यात गरिएको अध्यक्ष बोहोराले जानकारी दिए ।
सामाजिक सञ्जाल फेसबुक र इन्स्टाग्रामबाट प्लस साइज नेपालमा प्रति दिन २०० भन्दा धेरै अर्डरहरु आइरहेका छन भने पसलबाटै पनि राम्रो प्रतिक्रियासहितको व्यापार भइरहेको उनको भनाइ छ ।
अनलाइनमा वर्चश्व बढाएको प्लस साइज नेपालले निकट भविष्यमा नै आफ्नै वेवसाइट विकास गर्दै थप सहजताका साथ व्यवसाय अगाडी बढाउने जनाएको छ ।
नेपालमा पाइने कच्चा पदार्थबाट बन्ने सबै प्रकार कपडाहरु बनाइरहेको प्लस साइज नेपालले केहि लुगाहरु भने आयात गर्नु नै पर्ने विडम्बना रहेको उनी बताउँछन् ।
यसका साथै प्लस साइज नेपालले लेडिजहरुका लागि वान स्टप सोलुसन भन्दै ब्युटि प्रोडक्ट सँगै लुगाको व्यापार गर्दै आएको छ ।
