पशुपतिनाथ मन्दिरमा अब क्युआर कोड स्क्यान गरेरै भेटी दान गर्न सकिने

पशुपतिनाथ मन्दिरमा अब क्युआर कोड स्क्यान गरेरै भेटी दान गर्न सकिने भएको छ । यसका लागि ग्लोबल आईएमई बैंकले पशुपतिनाथ मन्दिर परसरमा क्युआर कोड राखेको हो ।

उक्त भेटी सिधैं पशुपति क्षेत्र विकास कोषको बैंक खातामा जम्मा हुनेछ । मन्दिर परिसरमा राखिएको क्युआर कोड स्क्यान गरेर भेटी दान गर्न सकिने जनाइएको छ ।

यसका साथै मन्दिर पुग्न नसक्ने भक्तजनहरूले घरबाटै पनि क्युआर स्क्यान गरेर भटी दान गर्न सक्ने छन् । क्युआर स्क्यान गरेर भेटी दान गर्दा भक्तजनहरूलाई पनि सहज हुने र हिसाब पनि पारदर्शी हुने अपेक्षा गरिएको छ ।