आईसीटी समाचार
नेक्स्ट २० स्टार्टअप कार्यक्रमको उत्कृष्ट स्टार्टअपमा नेपालबाट मोनाल टेक छनौट भएको छ । नेक्स्ट २० स्टार्टअप कार्यक्रममा विश्वभरका स्टार्टअप मध्येबाट शीर्ष २० मा नेपालको मोनाल टेक पनि परेको हो ।
उत्कृष्ट २० मा परेका स्टार्टअपले आगामी सेप्टेम्बर १९ देखि २१ सम्म डेनमार्कमा हुने प्रदर्शनी तथा पिचिङ सेसनमा सहभागी हुनेछन् । त्यसपछि सर्वोत्कृष्टलाई अवार्ड समेत प्रदान गरिने छ ।
स्टार्टअपहरूका लागि नेक्स्ट २० स्टार्टअप कार्यक्रम राम्रो प्लेटफर्म भएको मोनाल टेककी संस्थापना मोना न्याचोङले बताइन् । यस कार्यक्रमले लगानी, नेटवर्क, मार्केटिङ र एक्सपोजरमा सहयोग गर्नेछ ।
टीएम फोरम डीटीडब्लुले आयोजना गर्ने नेक्स्ट २० स्टार्टअप कार्यक्रममा पाँच वर्षभन्दा कम समयमा स्थापना भएका स्टार्टअप सहभागी हुन्छन् ।
मोनाल टेकले गत वर्षको स्टार्टअप आइसिटी अवार्ड समेत प्राप्त गरेको थियो । मोनाल टेकले साइबर सुरक्षाको क्षेत्रमा काम गरिरहेको छ ।
