आईसीटी समाचार
सबैभन्दा विश्वसनीय स्मार्टफोन ब्रान्ड रियलमीको बहु-प्रतिक्षित रियलमी ११ प्रो सिरिज फाइभजी नेपाली बजारमा उपलब्ध भएको छ ।
रियलमी ११ प्रो फाइभजी र रियलमी ११ प्रो प्लस ५जी गरी दुई भेरीयन्टहरु नेपाली बजारमा सार्वजनिक गरिएको हो । रियलमी ११ प्रो प्लस फाइभजी उत्कृष्ट फ्ल्यागशिप क्यामरासहित डिजाइन पनि उत्तिकै दमदार र लक्जरियस रहेको कम्पनीको दवी छ ।
प्रसिद्ध ब्रान्ड गुचीका पुर्व प्रिन्ट र टेक्सटाइल डिजाइनर म्याट्टियो मेनोट्टोसँगको सहकार्यमा रियलमी ११ प्रो फाइभजी र रियलमी ११ प्रो प्लस फाइभजीको डिजाइन गरिएको हो ।
रियलमी नेपालका कन्ट्री हेड मुनिश गिरी रियलमी ११ प्रो प्लस फाइभजीको डिजाइन र क्यामरामा व्यापक अपग्रेड गरिएको बताए ।
रियलमी ११ प्रो प्लस फाइभजी
रियलमी ११ प्रो प्लस ५जीमा भएको सबैभन्दा मुख्य फिचर हो यसमा भएको २०० एमपिको ओआइएस सुपरजुम क्यामरा, जुन यो भन्दा अगाडिको कुनै पनि मिड रेन्ज फोनमा थिएन । यसको क्यामरामा सामसङको आइसोसेल एचपि ३ सुपरजुम सेन्सर रहेको छ जसको सेन्सर साइज १/१.४ इन्चको रहेको छ ।
२०० एमपिको डाइरेक्ट आउटपुट सपोर्ट गर्ने यो क्यामराको हरेक पिक्सेलले फाइनल पिक्चरको गुणस्तरमा भूमिका खेल्दछ । त्यस्तै ४ गुणासम्म लसलेस जुम सपोर्ट गर्ने इन सेन्सर जुम टेक्न्लोजीले गर्दा रियलमी ११ प्रो प्लस फाइभ जीबाट फोटो खिच्दा टाढाबाट पनि अल्ट्रा हाइ रेजोलुसनको तस्बिर लिन सकिने कम्पनीले जनाएको छ ।
त्यस्तै यसको नयाँँ अटो जुम फिचरले एक ट्यापमै सेलेक्ट गरिएको एरियालाई स्वतः पहिचान गरेर इन्टेलिजेन्ट तरिकाले आफै एङ्गल मिलाएर जुम गर्छ ।
क्यामरा सेटिङमा सुपर आइओएस, सुपरनाइट इस्केप, मुन मोड र स्टारी मोडको साथ यो रियलमी ११को क्यामराले पक्कै पनि फ्ल्यागशिप लेभलको लिप गरेको छ ।
सेल्फीमा ३२ एमपिको सोनी सेल्फी क्यामरा दिइएको छ भने सुपर ग्रुप पोट्र्रेट मोड, वान टेक मोड र फ्यान फेभरेट स्ट्रिट फोटोग्राफि मोड ४.० जस्ता आकर्षक फिचरहरु छन् ।
रियलमी ११ सिरिजमा स्मार्टफोन इमेजिङ मात्र नभएर एस्थेटिक्समा पनि व्यापक अपग्रेड गरिएको छ । सनराइज बिज, ओसिस ग्रिन र अस्ट्रल ब्ल्याक जस्ता अत्यन्तै मनमोहक र सुन्दर रङहरुमा उपलब्ध यी दुई सेटहरुको डिजाइन गुचीका प्रिन्ट र टेक्स्टाइल डिजाइनर म्याट्टियो मेनोट्टोसँगको सहकार्यमा गरिएको हो ।
रियलमी ११ प्रो प्लस फाइभ जी क्यामरा र डिजाइनमा मात्र नभएर सबै कुरामा एक शक्तिशाली अल-राउन्डर हो । ५००० एमएएचको शक्तिशाली ब्याट्रि र १०० वाटको सुपर भोक चार्जिङ सपोर्ट छ ।
साथै २०,००० लेभलको अटोम्याटिक ब्राइट्नेस एड्जस्टमेन्ट भएको १२० हर्जको कभ्र्ड भिजन डिस्प्ले र इन्डस्ट्रिकै सबैभन्दा उच्च २१६० हर्जको डिमिङ फ्रिक्वेन्सीका साथ आएको यो रियलमी ११ प्रो प्लस फाइभ जी वास्तवमै एक स्मार्ट युवाको लागि स्मार्ट छनोट हुने कम्पनीको भनाइ छ ।
रियलमी ११ प्रो फाइभ जी
रियलमी ११ प्रो फाइभजी पनि रियलमी ११ प्रो प्लस फाइभ जीकै जस्तै प्रिमियम डिस्प्लेमा उपलब्ध छ। यसमा भएको अर्को बलियो पक्ष भनेको २१६० हर्जको पिएमडब्ल्यु डिमिङ सहितको १२० हर्जको कर्भ्ड डिस्प्ले पनि हो।
योभन्दा अगाडिको कुनै पनि ब्रान्डको मिड रेन्ज फोनहरुको कर्भ्ड डिस्प्लेमा यत्ति धेरै डिमिङ पावर हुँदैन थियो । त्यस्तै यसमा सनलाइट स्क्रिन र २०००० लेभलको अटोम्याटिक ब्राइटनेस एड्जस्टमेन्ट पनि रहेको छ ।
प्रयोगकर्ताको आँखाको सुरक्षा र सुविधालाई मध्यनजर गरेर यसको डिजाइन गरिएकोले रियलमी ११ प्रो सिरिजले टियूभि रेनल्यान्डको दुईवटा प्रतिष्ठित आइ प्रोटेक्सन सर्टिफिकेट पनि पाएको छ ।
यसमा पनि रियलमी ११ प्रो प्लस फाइभ जीकै जस्तै एस्थेटिक डिजाइन छ । यसको मेन प्याटर्नलाई नै सनराइज बिज, ओसिस ग्रिन, अस्ट्रल ब्ल्याक जस्ता सुन्दर रङहरु दिइएको छ जसले गर्दा हेर्दै खेरि अलिक लक्जरियस फोन जस्तो देखिन्छ ।
क्यामराको कुरा गर्नुपर्दा रियल मी ११ प्रो फाइभजीमा १०० एमपिको प्रोलाइट क्यामरा रहेको छ, जसले १०० एमपिकै डाइरेक्ट आउट्पुट सपोर्ट गर्छ । त्यस्तै यसको सेन्सरले २ गुणा लसलेस जुम पनि सपोर्ट गर्छ । अटो जुम मोड, सुपर नाइट एस्केप मोड, स्ट्रिट फोटोग्राफि मोड ४.० जस्ता आकर्षक फिचरहरु यसको क्यामरामा रहेको छन् ।
कम पावरमा पनि हाइ पर्फर्मेन्स गर्ने भएकोले एवम पर्याप्त स्टोरेज भएकोले रियलमी ११ प्रो वास्तवमै एउटा असली फ्ल्यागशिप स्मार्टफोन हो ।
डाइमेन्सिटी ७०५० फाइभजी चिपसेट राखिएको यो फोनको र्याम १२ जीबीको छ भने रोम २५६ जीबिको रहेको छ । रियलमी यु आइ ४.० मा चल्ने यस सेटको ब्याट्रि पनि ५००० एमएएच्को छ भने ६७ वाटको सुपरभोक चार्जिङ सपोर्ट गर्छ ।
रियलमी ११ प्रो प्लस फाइभजी १२ जीबी र्याम र २५६ जीबी स्टोरेज भेरियन्टमा उपलब्ध छ, जसको मूल्य ६१ हजार ९९९ रूपैयाँ रहेको छ । रियलमी ११ प्रो प्लस फाइभजी सनराइज बेज र ओएसिस ग्रीन रंगमा उपलब्ध रहेको छ ।
त्यस्तै रियलमी ११ प्रो फाइभजी ८ जीबी र्याम र २५६ जीबी स्टोरेज भेरियन्टमा उपलब्ध छ, जसको मूल्य ४७ हजार ९९९ रूपैयाँ तोकिएको छ । रियलमी ११ प्रो फाइभजी सनराइज बेज र एस्ट्रल ब्ल्याक रङमा बजारमा उपलब्ध छ ।
