आईसीटी समाचार
ग्लोबल राइड शेयरिङ कम्पनी इनड्राइभका संस्थापक तथा सीईओ आर्सेन टम्स्कीले आफ्नो पुस्तक इभड्राइभरः साइबेरियादेखि सिलिकन भ्यालीसम्म’ पुस्तक नेपाली भाषामा पनि सार्वजनिक भएको छ ।
नेपाली भाषामा अनुवाद भएको ‘इन ड्राइभरः फ्रम साइबेरिया टु सिलिकन भ्याली’ पुस्तक मंगलबार सार्वजनिक भएको हो ।
अंग्रेजी, स्पेनिश, पोर्चुगिज भाषापछि उक्त पुस्तक नेपाली भाषामा पनि उपलब्ध भएको छ । विमोचन कार्यक्रममा बोल्दै इनड्राइभ संस्थापक आर्सेन टम्स्कीले पाठकहरूसँग इनड्राइभको अनुभव सबैसँग शेयर गर्न पाउँदा खुसी लागेको बताए ।
‘इन ड्राइभ मेरा लागि व्यवसायिक यात्रा नभएर व्यक्तिगत र भावानात्मक यात्रा पनि हो,’ उनले भने, ‘इनड्राइभले मेरो जीवनलाई नयाँ आकार दिएको छ । सोही कार्यको अनुभव बाँड्दा खुसी छु ।’
पुस्तकमा आर्सेनको जीवन कथा समेटिएको छ । साइबेरियाको एउटा गाउँमा जन्मेको एउटा मान्छेले कसरी ग्लोबल राइड हेलिङ प्लेटफर्म बनायो भन्नेसम्मको कथा पुस्तकमा उतारिएको छ ।
अमेरिकाको क्यालिफोर्नियामा मुख्यालय रहेको इनड्राइभ ४० भन्दा बढी देशमा फैलिएको छ भने १७५ मिलियन भन्दा बढी पटक डाउनलोड भएको छ ।
नेपालमा पनि इनड्राइभको सेवा उपलब्ध छ । पछिल्लो समय नेपालमा पनि इनड्राइभ लोकप्रिय राइड शेयरिङ प्लेटफर्मको रूपमा परिचित छ ।
