आईसीटी समाचार
क्लोदिङ ब्राण्ड प्लस साइज नेपालको वेबसाइट सार्वजनिक भएको छ । प्लस साइज नेपालले इस्मल, मिडियम, लार्ज देखि एक्स एलसम्मको साइजमा हरेक डिजाइनका लुगाहरु बनाउँदै आएको छ ।
यसअघि सामाजिक सञ्जलबाट मात्रै प्लस साइज नेपालका लुगाहरू अर्डर गर्न सकिने व्यवस्था थियो । तर अब वेबसाइटबाट पनि सजिलै अनलाइन अर्डर गर्न सकिने छ ।
यसका साथै कम्पनीको प्लस साइज नेपालको मोबाइल एप समेत ल्याउँदै छ । अबको १ हप्तामा प्लस साइज नेपालको मोबाइल एप समेत सार्वजनिक हुने कम्पनीले जानकारी दिएको छ ।
एउटा स्टोरबाट सुरू भएको प्लस साइज नेपालले आफुलाई हाल डिजिटल दुनियाँमा विस्तार गर्दैछ । लुगाबाट सुरू गरेको प्लस साइज नेपालले आफ्नो दायरा ब्याग, चश्मा, कस्मेटिकमा समेत विस्तार गरेकोछ ।
सामाजिक सञ्जाल फेसबुक र इन्स्टाग्रामबाट प्लस साइज नेपालमा प्रति दिन २०० भन्दा धेरै अर्डरहरु आइरहेका छन भने पसलबाटै पनि राम्रो प्रतिक्रियासहितको व्यापार भइरहेको कम्पनीको दावी छ ।
५ वर्षक अघि सुरू भएको प्लस साइज नेपालले कपडा विदेश निर्यात समेत गर्न थालेको छ ।
