त्रिभुवन विश्वविद्यालयको बीएससी सीएसआईटी कोर्षमा खुल्यो भर्ना 

त्रिभुवन विश्वविद्यालय (टीयू) को चार वर्षे स्नातक तह (ब्याचलर्स) मा कम्प्युटर विज्ञान तथा सूचना प्रविधि (बीएससी सीएसआईटी) कोर्षमा भर्ना खुला भएको छ ।

विश्वविद्यालयको विज्ञान तथा प्रविधि अध्ययन संस्थान, डीनको कार्यालयले शुक्रवार एक सूचना जारी गर्दै भर्ना खुलेको जानकारी गराएको हो ।

बीएससी सीएसआईटीमा भर्ना हुन चाहने विद्यार्थीले टियुको पेजमा गएर अनलाइन आवेदन दिन सक्नेछन् । २०८० सालको नयाँ विद्यार्थी भर्नाका लागि प्रवेश परीक्षामा सहभागी हुनु पर्नेछ ।  प्रवेश परीक्षाका लागि आवेदन दिने वेब पेज भने यही साउन ३२ साउन गते बिहान १० बजेदेखि मात्रै खुल्ने टीयूले जनाएको छ ।

विद्यार्थीले भदौ २६ गते भित्र प्रवेश परीक्षाका लागि आवेदन दिइसक्नु पर्नेे छ । दोब्बर दस्तुर तिरेर भदौ ३१ सम्म फाराम भर्न सकिनेछ । आवेदन दिने विद्यार्थीका लागि प्रवेश परीक्षा शुल्क १,८५० तोकिएको छ ।