आईसीटी समाचार
दक्षिण कोरियाको सबैभन्दा ठूलो टेलिकम एसके टेलिकमले अमेरिकी आर्टिफिसियल इन्टेलिजेन्स फर्म एन्थ्रोपिकमा १०० मिलियन अमेरिकी डलर लगानी गर्ने भएको छ ।
कम्पनीले आफ्नो टेलिकम्युनिकेसन–संचालित एआई व्यवसायलाई बलियो बनाउन एन्थ्रोपिकमा १०० मिलियन अमेरिकी डलर लगानी गर्ने भएको हो ।
एन्थ्रोपिक, एआई फाउन्डेसन मोडेल निर्माणमा गर्न ओपनएआईसँग प्रतिस्पर्धा गर्ने स्टार्टअप र सबैभन्दा राम्रो वित्त पोषित एआई फर्महरू मध्ये एक हो । स्टार्टअपले गत मे महिनामा अल्फाबेट इन्क गुगल र स्पार्क क्यापिटल लगायतका लगानीकर्ताहरूबाट ४५० मिलियन अमेरिकी डलर उठाएको थियो ।
