आईसीटी समाचार
नेपालले रोबोट च्यालेन्ज कम्पिटिसनको 'पक कलेक्ट अडल्ट क्याटेगरी' मा पहिलो स्थान हासिल गर्न सफल भएको छ ।
बेजिङ, चीनमा आयोजना गरिएको रोबोट च्यालेन्ज कम्पिटिसनमा नेपालले 'लाइन फलोअर अडल्ट क्याटेगरी' मा तेस्रो स्थान पनि हासिल गरेको छ । यो प्रतिस्पर्धा बेजिङको बेरेन इट्रङ्ग इन्टरनेसनल एक्जिबिसनमा एण्ड कन्भेसन सेन्टरमा आयोजना भईरहेको हो ।
१६ अगस्तमा सुरु भएको विश्व रोबोट प्रतिस्पर्धा २२ अगस्त, २०२३ सम्म चल्नेछ । विश्व रोबोट प्रतिस्पर्धा २०२३ मा ६ओटा मुख्य सेसनहरु आयोजना हुने गर्दछन् र यसमा ३० ओटा स्पेसल फोरम पनि रहेको छ ।
यस कन्फेरेन्समा विश्वभरिबाट अन्तर्राष्ट्रिय संघसंस्थाका ३२० बढी प्रतिनिधि, शिक्षाविद्, प्रतिष्ठित विज्ञ र स्वदेश तथा विदेशका उद्यमीहरू सहभागी भइरहेका छन् ।
