आईसीटी समाचार
चर्चित लोकप्रिय शर्ट भिडियो शेयरिङ प्लेटफर्म टिकटक बन्द गर्न सञ्चार तथा सूचना प्रविधि मन्त्रालयमा निवेदन परेको छ । नेपाल समाजवादी मोर्चाका संयोजक युवराज सफलले नेपालमा टिकटक बन्द गर्न मन्त्रालयमा निवेदन दिएका हुन् ।
टिकटक नेपालमा बिनाअनुमति चलिरहेको जिकिर गर्दै यसबाट छाडातन्त्र, गालीगलौज, मानहानी, अश्लीलता र अपराध वृद्धि भएको उनले बताएका छन ।
टिकटक चलाउनै परे पहिला नेपालमा संचालन अनुमति लिन लगाउनुपर्ने बताएका छन्। टिकटक संचालन मापदण्ड, आचारसंहिता लागु गराउने र फेक आइडीहरुलाई चल्न नदिने वातावरण बनाई टिकटलाई कानुनी दायरामा ल्याउन पनि युवराज सफलको माग छ ।
टिकटकमा गेमको नाममा लाखौं करोडौंको कारोबार हुने गरेको बताउँदै गिफ्ट प्राप्त गर्नेहरुले कुनै राजस्व नतिरेको पनि उनको भनाइ छ ।
टिकटकको माध्यमबाट गाली गलौज, वेश्यावृत्ति गर्ने, सामाजिक, धार्मिक सद्भाव बिथोली, धार्मिक, जातीय एवम् साम्प्रादायिक हिंसा भड्काउने काम भएकोले व्यवस्थापन नगर्दासम्म बन्द गर्न माग गरेका हुन्।
